Këshilli Koordinues i Diasporës uron të gjithë bashkëkombasit kudo që jetojnë  Gëzuar 2021

Këshilli Koordinues i Diasporës uron të gjithë bashkëkombasit kudo që jetojnë  Gëzuar 2021

Këshilli Koordinues i Diasporës uron të gjithë bashkëkombasit kudo që jetojnë  Gëzuar 2021
Viti që po mbyllet ka qenë i vështirë për mbarë njerëzimin, megjithatë disa projekte të rëndësishme kanë marrë jetë pikërisht gjatë kësaj kohe, ato mund ti ndiqni në këtë video kartolinë të realizuar nga KKD.

Urim i Këshillit Koordinues të Diasporës për Ditën e Diasporës Shqiptare

Urim i Këshillit Koordinues të Diasporës për Ditën e Diasporës Shqiptare

Këshilli Koordinues i Diasporës sot, në Ditën e Diasporës dhe Ditën Ndërkombëtare të Migracionit, përcjell urimet më të mira për pjesën e kombit që nuk jeton në vendlindje.
Diaspora shqiptare ka dhënë një kontribut themelor për ekzistencën e kombit dhe është një mundësi e madhe për zhvillimin e vendlindjes.

 

KKD / 13 Nëntor takim virtual me z. Peter Beyer

KKD / 13 Nëntor takim virtual me z. Peter Beyer

Anëtarët e Këshillit Koordinues të Diasporës (KKD) zhvilluan me 13 nëntor 2020 një takim virtual me deputetin e Bundestagut Gjerman, Z. Peter Beyer i cili mbulon çështjet për Balkanin dhe
veçanërisht Kosovën. Takimi u organizua dhe moderua nga  Z. Lazim Destani, anëtar i KKD -se  dhe Kryetar Nderi i Dhomës së Biznesit të Diasporës Shqiptare. Mbi punën dhe misionin e KKD-së foli  Kryetari i saj Z. Mark Gjonaj. Ai e falenderoi deputetin gjerman për kontributin, qasjet e tij serioze dhe dashamirëse ndaj Kosovës dhe Ballkanit si edhe për mbështetjen që Gjermania i ka dhënë dhe i jep shqiptarëve dhe shteteve te tyre ne Ballkan për afrimin dhe lidhjen sa me të ngushtë me familjen Europiane, pjesëtare të së cilës shqiptarët kanë qenë dhe do të jenë përherë.

Z. Gjonaj vuri theksin tek roli i shumanshëm që luajnë tashmë Shqiptarët që jetojnë dhe punojnë prej vitesh e brezash në Gjermani, si percues të vlerave më të mira shqiptare ne Gjermani dhe Europe, njëkohësisht dhe përcjellës në trojet shqiptare në Ballkan të një mendësie dinamike dhe të përvojës së fituar në Gjermani.  Anëtarët e tjerë të KKD-së përmes pyetjeve dhe komenteve shprehën shqetësimet e tyre për ngadalësinë e procesit të liberalizimit të vizave për Kosovën si dhe vonesat në nisjen e procesit të integrimit në BE të Shqipërisë dhe Maqedonisë së Veriut.

Ata nënvizuar situatën paradoksale që jetojnë shqiptarët në lidhje me Bashkimin Europian në vendet e të cilit jetojnë dhe punojnë tashmë mbi një milion shqiptarë të cilët japin
çdo ditë kontributin e tyre në të gjitha fushat e jetës dhe ekonomisë së këtyre vendeve. Shqiptarët kanë një lidhje të hershme dhe jetike me familjen Europiane dhe anëtarët e KKD-se nënvizuan se është e papranueshme përpjekja e disa qeverive Europiane që të stigmatizojnë bashkatdhetarët dhe vendet tona duke i asociuar ata me grupe te ndryshme kriminale dhe mafioze.

Ata theksuan se njohin faktin që vendet tona në Ballkan ballafaqohen me fenomene shumë serioze si mungesa e shtetit të së drejtës, qeveri dhe qeveritarë të korruptuar, krimin e organizuar, por shprehën bindjen e tyre se këto probleme, shoqëritë tona do jenë më të motivuara t’i zgjidhin më me guxim duke qene anëtare të familjes Europiane, ashtu siç ka ndodhur edhe me shtetet e tjera të Ballkanit që tashme janë anëtare të Bashkimit Europian, si Greqia, Bullgaria, Rumania. Ata shprehën shqetësimin e tyre se disa qeveri të Bashkimit Europian për arsye të lojërave të ndryshme politike në vendet e tyre, kërkojnë t’i lenë shqiptarët në Ballkan në një “no man’s land” dhe se diçka e tillë është jo vetëm e padrejtë por edhe e rrezikshme.

Në fjalën e tij z. Beyer u përqendruar mbi temat kryesore që prekin Ballkanin lidhur me liberalizimin e vizave për Kosovën, zgjerimin e BE-se me vendet e Ballkanit perëndimor si dhe rolin e Gjermanisë në këtë proces. Si njohës i mirë i çështjes së Kosovës dhe Ballkanit Perëndimor ai rikonfirmoi vendosmërinë e tij dhe të Gjermanisë për të mbështetur këto çështje në Bashkimin Europian, si dhe përpjekjet e Gjermanisë për ti bërë dy vendet kandidate Shqipërinë dhe Maqedoninë e Veriut, pjesë të Konferencës së ardhshme ndërqeveritare. Ai përmendi me kënaqësi shembuj mjaft pozitive dhe të suksesshëm të shqiptareve në shoqërinë gjermane.  Në rastin e Kosovës ai vuri theksin mbi faktin që vendi i ka plotësuar të gjitha kriteret te vendosura nga BE-ja për liberalizimin e vizave. Fatkeqësisht situata politike konfliktuale këto kohët e fundit në vend, u jep argumente të gjithë atyre që duan që Kosova të qëndrojë larg Bashkimit Europian.

Ndërsa lidhur me zgjerimin e BE me vende të reja anëtare, ai theksoi që shumë vende të BE-së janë skeptike ndaj zgjerimit, veçanërisht konsiderojnë Shqipërinë që nuk është gati me reformat dhe kriteret e vëna nga BE si:
∙       respektimi i të drejtave të njeriut,
∙       ulja e korrupsionit
∙       lufta ndaj krimit të organizuar.

Megjithatë ai ishte i mendimit që reforma të tilla do të ishin më efikase në këto vende duke i pasur ato të integruara në BE ku dhe mekanizmat e kontrollit janë me të larta. Z. Beyer ju drejtua KKD-së që të mos reshti së kërkuari qeverisë dhe politikanëve masa dhe fakte konkrete në luftën kundër krimit të organizuar. Përndryshe, pa luftën efikase kundër krimit të organizuar dhe korrupsionit sistemik, Shqipëria do ta ketë shumë  të vështirë të bindë vendet anëtare si Franca dhe Holanda te cilat mbeten skeptike për hapjen e
negociatave. Gjermania mori Presidencën e BE-së në korrik 2020 dhe ajo mbaron në fund të këtij viti. Për këtë arsye- theksoi Z. Beyer – po bëjmë çfarë është e mundur që para përfundimit të mandatit tonë Maqedonia e Veriut dhe Shqipëria të ftohen në Konferencën e ardhshme ndërqeveritare të BE-së, e cila shënon dhe hapin e ri në procesin e integrimit për të dyja vendet. Grupi i eurodeputetëve gjermane po bën përpjekje të shumta që Shqipëria të mos përjashtohet nga kjo pjesëmarrje. Z. Beyer e siguroi KKD-në që jo vetëm do të vazhdojë t’a mbështëse atë në misionin e saj fisnik në shërbim të çështjes së Kosovës dhe integrimin e vendeve tona në BE, por dhe në përfshirjen më të madhe të Diasporës për të pasur një impakt pozitiv në vendet ku jeton si dhe në vendet e rajonit të Ballkanit Perëndimor. Anëtarët e KKD-se nga ana e tyre shprehën mirënjohjen e tyre për Z. Beyer duke lënë të hapur mundësinë e një takimi të ri me Z. Beyer në muajt që vijnë.

Gjermani / Lazim Destani pjesë e forumit ballkanik mbi Antisemitizmin

Gjermani / Lazim Destani pjesë e forumit ballkanik mbi Antisemitizmin

Këtë të mërkurë u mbajt forumi ballkanik online mbi Antisemitizmin, unik në llojin e vet. Forumi u organizua nga Combat Anti-Semitism Movement në bashkëpunim me Parlamentin e Shqipërisë.

Pjesë e këtij forumi online ishte dhe filantropi Lazim Destani i cili ndoqi diskutimet për krijimin e një mburoje të fortë në rajonin e Ballkanit kundër urrejtjes dhe intolerancës, si dhe promovimin e bashkëpunimit në luftën e anti-semitizmit.

Në këtë aktivitet i pranishëm online ishte dhe sekretari amerikan i shtetit Mike Pompeo.
Teksa falënderoi Shqipërinë dhe popullin shqiptar, Pompeo tha se pas luftës dhe holokaustit ata ofruan një ndihmë të rrallë për hebrenjtë, duke i shpëtuar nga nazizmi.

Javën e shkuar parlamenti shqiptar votoi në unanimitet një rezolutë për miratimin e përkufizimit të përdorshëm për antisemitizmin, të përcaktuar nga Aleanca Ndërkombëtare për Përkujtimin e Holokaustit duke iu bashkuar 43 vendeve të tjera që e kanë miratuar atë.

KKD takim me kreun e KQZ Ilirjan Celibashi: Vota e Diasporës është prioritet

KKD takim me kreun e KQZ Ilirjan Celibashi: Vota e Diasporës është prioritet

Këshilli Koordinues i Diasporës ka realizuar një takim me Komisionerin e ri të Komisionit Qendror të Zgjedhjeve, Ilirjan Celibashi, për të diskutuar lidhur me çështjen e votës së Diasporës.

Kryetari i KKD-së Mark Gjonaj, pasi falenderoi Kryetarin e KQZ për kohën dhe përkushtimin që po tregon ndaj kësaj çështje tha se Këshilli Koordinues i Diasporës e shikon votën e Diasporës si një pikë shumë të rëndësishme në detyrën që ju keni marrë përsipër. ‘’Thesari i vërtetë i Shqipërisë janë vetë shqiptarët, kudo që jetojnë në botë, ndaj dhe vota e Diasporës është shumë e rëndësishme. Për këtë arsye do donim të dinin se në cilën pikë kanë arritur zhvillimet në lidhje me votën e Diasporës”, tha Gjonaj.

Kreu i KQZ-së Ilirian Celibashi theksoi se vota e Diasporës është në krye të prioriteteve të agjendës së tij mjaft të ngjeshur. “Edhe pse koha ka qenë shumë e shkurtër për të organizuar këtë takim, me gjithë agjendën e ngjeshur e vlerësova si një takim shumë të rëndësishëm, sepse kjo çështje është mjaft e rëndësishme. Edhe kur kam qenë jashtë kësaj zyre kjo çështje ka pasur gjithmonë vëmendjen time. Jo vetëm e kam mirëpritur të gjithë punën e KKD, por edhe vetë jam shumë i ndjeshëm ndaj kësaj çështje. Sepse si asnjëherë tjetër është sjell në vëmendjen e politikës shqiptare e votës së Diasporës. Edhe ministri i Shtetit për Diasporën Pandeli Majko meriton lavdërime, sepse podiumi që ai ka përdorur i ka dhënë zë kësaj çështje. Personalisht kam gjithë angazhimin që çështja e votës së Diasporës të ketë prioritet absolut në agjendën time si Komisioner dhe në agjendën e Komisionit Qendror të Zgjedhjeve. Sigurisht nuk është një çështje shumë e lehtë duke llogaritur kohën e mbetur. Unë nuk jam këtu për t’u justifikuar, por për t’u munduar të bëj çdo gjë brenda kohës që ka mbetur. Unë si Komisioner jam duke përgatitur drafte për ta formuar këtë proces në përputhje me ligjin. Besoj në një periudhë dy javore do arrij të miratoj aktet përkatëse për të këtë çështje. Ende nuk kam detaje teknike se si kjo çështje do të qaset, por dua t’ju siguroj që është në krye të agjendës time. Do të doja të ishte dhe një arritje profesionale e imja që për herë të parë emigrantët të votojnë nga aty ku jetojnë.”

Anëtarët e tjerë të KKD gjithashtu ndanë më kreun e KQZ pyetjet dhe shqetësimet e tyte ne lidhje me procesin e realizimit të votës së Diasporës.

Anila Hyka Smorgrav, përfaqësuese në KKD e komunitetit shqiptar në Francë kërkoi nga KQZ informacioni lidhur me aktet ligjore që po përgatit ky institucion lidhur me miratimin e kodit zgjedhor, si dhe përgatitjen e listave të votuesve shqiptar jashtë atdheut.

Celibashi sqaroi se lista e emigrantëve do të ketë një vëmendje të veçantë: “Ndryshimet e ligjit nuk mendoj se do të ndikojnë në procesin e votës së Diasporës. Ne jemi në proces pune dhe lidhur me listën e zgjedhëse dhe Komisioni do të përcaktojë se si do të procedohet me listën e shqiptarëve jashtë Shqipërisë. Publikimi i listës së zgjedhësve për momentin ka të bëjë me gjithë shqiptarët ne tërësi, ndërsa lista e emigrantëve do të ketë një vëmendje të veçantë.”

Anëtari i KKD, përfaqësues i komunitetit shqiptar në Zvicër Sokrat Sinaj i kërkoi Komisionerit Celibashi që të ketë një përfaqësues të KKD të jetë i pranishëm në të gjithë procesin zgjedhor: “Ju uroj suksese në këtë detyrë historike, duke u nisur nga konteksti në të cilin ndodhet vendi ynë. Ju falenderoj për angazhimin tuaj duke e konsideruar problemin e votës së Diasporës si një nga detyrat kryesore në agjendë. Si e shikoni ju ndihmën që duhet të japi Diaspora dhe KKD në lidhje me votën e Diasporës? Kërkesa ime është një përfaqësues i joni që është profesionit i fushës të jetë prezent gjatë gjithë procesit, që nga përgatitja e dokumentacionit deri në procesin final të zgjedhjeve. Cila është ndihma që ne duhet të japim konkretisht.”

Ndërsa Celibashi u shpreh i hapur për prezencën e një anëtari të KKD në procesin zgjedhor, madje theksoi se një anëtar, i cili është gjithashtu ekspert i fushës do të ishte një ndihmë e madhe. “Për ne do ishte vërtet një ndihmë që një ose dy prej jush të jetë realisht i angazhuar në këtë proces, një person që ka dije për këtë proces dhe të jetë një ndihmë e vlefshme për ne. Unë dua të tregoj se dëshira dhe vullneti ynë është maksimal për të përfshirë këtë person në mënyrë tërësisht transparente. Ne jemi të gatshëm të bashkëpunojmë me KKD”

Anëtari i KKD Adrian Lekaj shprehu dëshirën për një komunikim të vazhdueshëm më KQZ “Në cilën mënyrë do të komunikojmë në me ju për të qenë vazhdimisht të informuar? Si dhe çfarë hapash mund të marrim ne si KKD për t’ju mbështetur juve si KQZ?”

Anëtarët e tjerë të KKD të pranishëm në mbledhje, Gazmend Kapllani, Brikena Muharremi, Adriana Bejko, Ardian Radovicka, Lazim Destani u ndalën në shqetësime të tjera si shembulli që do të merret për realizimin e procesit të votimit, shkëmbimine përvojës me institucione homologe ne Kosove, duke qëne se ata e përfshinë Diasporën në zgjedhjet e fundit etj.

Në fund të takimit virtual Mark Gjonaj falenderoi të gjithë të pranishmit, si dhe kryetarin e KQZ për kohën kushtuar çështjes së votës së Diasporës.

Thirrje e Këshillit Koordinues të Diasporës për të gjithë shqiptarët ne Malin e Zi

Thirrje e Këshillit Koordinues të Diasporës për të gjithë shqiptarët ne Malin e Zi

Këshilli Koordinues i Diasporës ndjek ngaherë me vëmendje të veçantë zhvillimet politike në hapësirën Shqiptare në Ballkan. Situata e jashtëzakonshme e pandemisë po krijon sfida të jashtëzakonshme politike dhe ekonomiko-sociale, pasojat e te cilave do ndjehen për shumë vite. Dy dekadat e fundit shqiptarët në Ballkan janë bërë faktor i rëndësishëm duke luajtur një rol politik të veçantë. Kjo pozitë mund të ruhet dhe forcohet vetëm përmes bashkëpunimit të shqiptarëve mes njeri-tjetrit me qëllim mbrojtjen e interesave të tyre jetike dhe demokratike.

Zgjedhjet e 30 Gushtit në Mal të Zi janë të rëndësishme për forcimin e demokracisë dhe integrimit ne BE dhe njëkohësisht një sfide bashkëpunimi për Shqiptarët që jetojnë atje. Shqiptarët e Malit të zi përbëjnë rreth 5% të popullsisë, një ndër 5 grupet më të mëdha etnike në vend, por me një përfaqësim të dobët në parlamentin aktual. Që shqiptarët të jenë faktor dhe të mbrojnë interesat e tyre në institucionet malazeze, duhet të jenë të bashkuar dhe në rastin konkret të votojnë për listat e përbashkëta shqiptare.

Jemi të bindur se duke votuar për listat Shqiptare ata forcojnë pozitën e tyre, duke forcuar në të njëjtën kohë të ardhmen Europiane dhe pozitën e Malit te Zi në rajonin tonë.

Ju bëjmë thirrje gjithë shqiptarëve në Ulqin, Plavë, Gucie, Tuz, Krajë të votojnë masivisht për përfaqësuesit e tyre shqiptarë, për të ardhmen e tyre.

Në këto çaste kritike le të kujtojmë fjalët e mençura të Shenjtores sonë kombëtare, Nënë Terezës:

“Unë mund të bëj gjëra që ti nuk i bën dot. Ti mund të bësh gjëra që unë nuk i bëj dot. Të bashkuar mund të bëjmë gjëra të mëdha”.

Thirrje e Këshillit Koordinues të Diasporës për të gjithë shqiptarët në Malin e Zi

Këshilli Koordinues i Diasporës i kërkon Kancelares Angela Merkel liberalizimin e vizave për qytetarët e Kosovës

Këshilli Koordinues i Diasporës i kërkon Kancelares Angela Merkel liberalizimin e vizave për qytetarët e Kosovës

Nga fillimi i këtij muaji Gjermania e ka marrë presidencën gjashtëmujore të Bashkimit Evropian. Me këtë rast, Këshilli Koordinues i Diasporës (KKD) ia përcjell Kancelares Angela Merkel urimet më të mira si dhe kërkon angazhimin e saj për liberalizimin e vizave për qytetarët e Republikës së Kosovës.

Në vijim jua sjellim të plotë përmbajtjen e letrës së nënshkruar nga 15 anëtarët e Këshillit Koordinues të Diasporës shqiptare:

Deklarata e kancelares Angela Merkel për liberalizimin e vizave për qytetarët e Kosovës

Itali / Rosario Petta flet për të drejtën e votës

Itali / Rosario Petta flet për të drejtën e votës

Anëtari i Këshillit Koordinues të Diasporës, njëkohësisht Kryetari i Komunës “Piana Degli Albanesi” në Itali, Rosario Petta, shkruan lidhur me të drejtën e votës për anëtarët e Diasporës shqiptare. “Një sukses i jashtëzakonshëm i Këshillit Koordinues të Diasporës! Vota e shtetasve shqiptarë jashtë vendit tashmë do të garantohet njësoj si për shtetasit shqiptarë që do të votojnë në Shqipëri”, shprehet z. Petta.